पवारांची प्रकृती ढासळली: घस्याच्या त्रासामुळे आजचे सर्व कार्यक्रम रद्द

प्रकृतीच्या कारणास्तव शरद पवारांचे आजचे सर्व कार्यक्रम रद्द, सभेला संबोधित करताना अचानक घशाचा त्रास

राष्ट्रवादी काँग्रेसचे (शरदचंद्र पवार) अध्यक्ष शरद पवार यांनी प्रकृतीच्या कारणास्तव सोमवारचे कार्यक्रम रद्द केले आहेत. पक्षाच्या पुणे विभागाचे अध्यक्ष प्रशांत जगताप यांनी रविवारी जारी केलेल्या निवेदनात म्हटले आहे की, त्यांची कन्या आणि विद्यमान खासदार सुप्रिया सुळे यांच्या समर्थनार्थ बारामती येथे दिवसभर रॅलीला संबोधित करताना त्यांना घशाचा त्रास झाला.
सध्या ते बारामती येथे राहत्या घरी आराम करत आहेत.

त्यांची कन्या सुप्रिया सुळे या बारामती लोकसभा मतदारसंघातून त्यांचे पुतणे, महाराष्ट्राचे उपमुख्यमंत्री अजित पवार यांच्या पत्नी सुनेत्रा पवार यांच्याकडून निवडणूक लढवत आहेत. सून विरुद्ध मुलगी अशी ही चुरशीची लढत असल्याने प्रचाराला वेग येत आहे.
काल रविवारी बारामतीत खासदार सुप्रिया सुळे यांच्या समर्थनार्थ आयोजित सभेला संबोधित करताना त्यांना घशाचा त्रास सुरू झाला होता.